أفعالهم تفضح أفكارهم

ماذا لو حدث زلزال في مكان ما وانهارت المباني وعم الخراب

والناس تبحث عن مسئول يخرجهم من الازمة

و ماذا لو وكلت –بضم الواو وكسر الكاف- لك هذه المهمة والتف الناس حولك لتخليصهم من الازمة

ما هو شعورك وقتها؟؟

مسئولية . أكيد طبعا ..

و أكيد عمرك ما هتخرج انت ومناصريك في الطرقات تولع صواريخ والعاب نارية احتفالا بالمنصب دا والا اتهمك

البشر جميعا بالجنون ... دي مسئولية .. ايه اللي يخليك تحتفل ؟؟؟

------------

هات المثال دا وأسقطه علي ما يحدث بعد الانتخابات البرلمانية في مصر

لو المرشح عارف ان منصب مجلس الشعب مسئولية جسيمة

وبعد ما نجح برده طلع يضرب نار وصواريخ وطبل وزمر هتقول ايه عليه ؟؟ مخبول أكيد ..

او ان الأمر مش موضوع مسئولية خالص بقه .. دي مصلحة واقتنصها من بين المنافسين

وهذا واقعنا للاسف!

بعد ما ينجح المرشح .. ايه اللي بيحصل؟

ضرب نار وصواريخ وعربيات وميكروفونات و حالة من الهستريا اللزجة ..

في الحقيقة هذا ما يفضح نوايا المرشح الفائز بهذا المنصب

ف والله لو ان فكرة المنصب بتاع المجلس موجودة في دماغه علي انها مسئولية ,

لما فرح لحظة –الا الفرح العادي بتاع البشر مش المبالغ فيه دا –

لكن الواقع الاليم انهم لا يبالون لتلك المسئولية مطلقا , وافعالهم تفضح افكارهم ونواياهم للاسف.

للتواصل

twitter.com/ahmedo83

Ahmedo83b@hotmail.com

علي هامش الصورة

هالنا جميعا المشهد الذي رأيناه عبر الانترنت ,

صورة الفتاة التي تمت تعريتها وسحلها بواسطة افراد الجيش المصري

وتعقيبا علي ذلك أقول :

رسالة 1 للبنت

علمت من اصدقاء ان الفتاة رفضت الظهور اعلاميا لخجلها مما حدث , ولها الحق تماما في عدم الظهور فتلك حرية شخصية

وكما ان لها الحق في الخجل –يمعني خجلها من تعريتها- فهي فتاة لكن اقول لها الا تخجل من كونها فضحت الجميع!

ارفعي رأسك يا أختي ولا تخجلي

وايم الله , نحن من يخجل!!

والله اني لأحس بانكسار وذل داخلي لن ينقشع الا بعد ان نأخذ بحقك بزوال حكم العسكر عن مصر تماما ومحاسبتهم جميعا فردا فردا وليس عن هذه فحسب , بل عن كل ما صدر منهم من يوم 28 يناير. وان غدا لناظره قريب

لا تخجلي فالامر علي كاهلنا- ممن شاهد هذا المشهد- اضعاف مضاعفة.

رسالة 2 للشباب ع النت

تصدرت الصورة بعض اهم صحف العالم , مثل النيويورك تايمز و الديلي تيليجراف

و بعض الشباب علي مواقع السوشيال ميديا زي فيسبوك وتويتر , خرج ليقول انها لفضيحة لمصر علي مرأي العالم

واقول لهم : هذه الصحف نشرت تلك الصورة ليس لأن الفتاة فضحت – بضم الفاء وكسر الضاد- بتعريتها .. اطلاقا .. بل علي العكس ..

المجتمع المتحضر لا يري الأمور بنفس النسق الذي تراه الدول المتخلفة أدهرا !!

ما يرونه فضيحة هو كيف ان الجيش المخول لمحاربة العدو يسحل فتاة من بني جلدته !!

فوقوا بقه !!! دول مش متخلفين زينا .. والفرق سنين ضوئية.

رسالة 3 للمصريين ككل

التحديات من ايام الثورة الاولي متعددة .. اهمها :

1.اسقاط رأس النفاق المخلوع .. وقد تمت وان كانت شكلية

2.محاربة الفلول -ولازالت مستمرة

3.جهاز الشرطة الفاسد للنخاع -القوي الشعبية قايمة بالواجب وياريت تفوير الجهاز كله

4.وضع دستور للبلاد -لم يحدث

5.المجلس العسكري -هو بلا الشك الثورة المضادة

وهذا الاخير أقوي تحدي لنا واعتبر انه بمجرد تنحيته عن الحكم ف مصر .. يبقي الثورة بتنجح .. عدا ذلك .. انسي!!

ولو حدث وتم تنحيته عن الحكم يبقي هنبدأ بقه نحقق الثورة بجد.

نعمل ايه بقه .. دا في مقالات قادمة باذن الله .

حابب اشوف تعليقاتكم ولو كانت عكس كلامي تماما ..

ولو عايز تراسلني يبقي ع الميل

Ahmedo83b@hotmail.com

د.أحمد رشاد

The Truman Show .. بعد ما كبرت شوية

- مقدمة ضرورية
دي تقريباً أول مرة أكتب فيها,كان نفسي أكتب أكتر من كده بس عارف إنكم هتزهقوا بسرعة (كنت زيكم زمان)
يا رب أعجبكم...و مستني رأيكم :)
_________________________________________________________________

أنا شوفت الفيلم ده كتير, بس دي كانت أول مرة أشوفه من ناحية تانية..
بدأت أحس إن كل واحد عايش فيه جزء من ترومان..
أصحاب مزيفين ماشيين زي ضلك بس لو دخلت حتة ضلمة...هيختفوا !!
ناس حافظة السيناريو...هتقول ايه و امتى !!
و زي ما حاول يهرب و هو صغير و أبوه جري عليه و قاله أعرف حدودك..
ليه متكونش حدودي الكون نفسه ؟؟! ليه مجربش كل حاجة و أتعلم من غلطاتي ؟؟
ولا أقولكم بلاش عشان لما كان نقسه يطلع مستكشف الأبلة بتاعته قالتله أنت اتأخرت خلاص مفيش حاجة تستكشفها !!
يبقى أنا كده هاعيش عالة عالمجتمع و أمشي في نظام ديكتاتوري (بيقولوا عليه ديموقراطي) بيتحكم في كل نفس باخده !!
و أعيش زي جدودي ما عملوا بمبدأ "الي تعرفه أحسن من الي متعرفوش"..

و لما حاول يهرب بسيارته بس الطريق اتقفل قدامه و نزل يجري و يعافر عشان يحرر نفسه بس اتمسك برضو..
هتلاقي ناس كده بتمنعك من إنك تطور نفسك عشان يمكن هو محققش أحلامه و مش عايز غيره يحققها..

أو اخر الفيلم...
لما حاول يحرر نفسه و يهرب بعد ما قرب ينتحر خلاص من البارانويا..البحر وقف ضده و حاول يمنعه
بس كان مستبيع و مش فارقة معاه و مستعد يعمل أي حاجة بس يهرب من المجتمع المثالي الي عايش فيه..
و كان هيموت في سبيل تحقيق هدفه و مطلعش جبان و خايف زي المخرج ما كان متوقع (إد هاريس الي مثل دور المخرج ده عبقري)

و اتصدم لما وصل لطريق مسدود و معرفش يكمل..
هى كده الحياة هتصدمك في أغرب الأوقات بس صدقني لو دورت و كملت هتلاقي باب الخروج زي ما ترومان عمل...
 

أنا هاعيش و أكسر المسار الإجباري و هتكون حدودي آخر الدنيا...

محمد حازم شلبي (بارانويا مراهق)
14\9\2011

موضوع تعبير

بسم الله الرحمن الرحيم

موضوع تعبير، متشكل و متزوق، كل شويه بيتين شعر، على كام حديث نبوى شريف و ايه قرانيه

ايش فهمك فى الكلام؟ دا فن اصله، يعنى مينفعش تروح تكلم كبير و تقله: ازيك ياض! تبقا انت حمار و مبتعرفش تكتب تعبير!

طب و هنكتب ازاى؟ ولا هنتكلم ازاى؟ لما ابوك و امك و خالك و عمك و جدك و جدتك و اخوك و طوب الارض مبيعرفوش؟

ازاى تبقا فى الشارع و تسمع سب دين؟ و تقول عادى، اه ماهو بقا عادى

تبقا ماشى مع اختك ولا امك و تلاقى لفظ زباله، و امك تقولك ايه الالفاظ دى يا رب ارحمنا، مع انها ممكن تكون لسه قيلالك يابن الكلب!

طب و مستنين مننا ايه؟ مستنين ايه من عيال كل اهلهم كدا؟

لما تمشى و تلاقى واحد طالع عينه من الفقر، و ابوه بيسبلوا 100 دين من التعب و القرف دا لو مطلعش معقد يبقا هو معقد!

كل شويه شتيمه و كلام زباله، متستنوش مننا حاجه نضيفه

جيل بقاله 30 سنه تحت التراب، اخره يعترض على الاقل منه، اعترض علينا لما تكون انت صح :@ عشان كدا احنا اعترضنا عالظلم

اصل العيب مش فيكوا، كان فى اللى قبليكوا

ناس بدون تعليم، انتشر الجهل و الغباء، مع اهل الشتيمه فى بقهم زى الرياله

بقا الكبير زى الصغير، دا ياض و دا عيل *** و دا راجل ابن *** و شوفت ال***

حتى بقينا بنوصف الحجات الحلوه بشتيمه، شوفت الفيلم ابن *** دا جامد ***

عايزين ايه طيب؟ عايزين ناس شربت الكلام دا يقولوا كلام جميل؟

انا بعمل كدا، انا زيك، انا مش رسول مش انا اللى ربنا اصطفانى، فيه ناس كويسه، مأثرش فيها!

بس عشان انا زيك و بحاول ابقا غير، بحاول انتقد نفسى و انتقدك

طب نشوف ايه الحل:

1-بطل شتيمه!

2-بطل شتيمه!

3-فرق بين كبير و صغير، متخليش ابوك زى صاحبك، هو هيقدرك برده!

4-بلاش تقول حلو ن**، ليه متقولش حلو جدا، ماهى جدا دى يعنى كتير بردو :D

5-استغفر ربنا، و افتكره،مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ

دى مش كل الحلول، عندك مثلا انك تفهم كل الناس الحجات دى و توريهم انهم غلط

يلا ربنا يرحمنا و يرحمكم!

سلامو عليكوا!

إنِتكاد

بسم الله الرحمن الرحيم

فى ناس هتسأل و تقلى ايه انتكاد دى؟

هقولك دى بمعنى انتقاد بس من منظور شاب سيس، اللى هو مش انا (اللى قالى عالاسم)

المهم انا حبيت انتقد حاجه منتشره، الفيسبوك و الشات و الكلام دا كله

كلنا بنستخدم الحجات دى بشكل غلط جدا

24 ساعه فيسبوك و زيهم شات، يعنى انا لو فتحت الفيسبوك و فاتح الشات لا قدر الله هلاقى مش اقل من 50 واحد بيكلمونى فى نفس الوقت

و كلهم يقلولى انت مبتردش بسرعه ليه، انا بطلت ادخل عالفيسبوك من القرف دا، او ادخل متخفى :|

عندك تانى حاجه الياهو مثلا، او الويندوز لايف مسنجر فيه ناس فاتحه سبيل

يعنى نايم، صاحى، خارج، بيشخ لامؤاخذه فاتح الايميل، ما الراجل مهم اوى و تقوله بتعمل ايه يقلك بكلم 8 ولا 80 و انت بتتكلم يقلك ثانيه معايا موبايل على اساس ان الشات مش مكفى، دا غير الفيسبوك و اكيد اكيد بيدخل على احد المواقع التاليه: شات الليل، شات الجميله و الوحش، غرف شات هبه

انا مبعملش كدا؟ لأ انا بعمل كدا :D لأ بس مش كدا اوى يعنى انا مش بدخل الحمام بالجهاز لأ والله :D ولا عمرى دخلت على غرف شات

انا كل اللى بعمله انى كان ممكن اقعد 5 6 ساعات اتكلم عالشات بس لأ مكنتش بكلم 80،هو شخص واحد

و باقى الناس اللى بكلمهم كلامنا بيخلص فى 3 4 دقايق بيعتمد على ازيك و الحمدلله و ربنا معاك، و سلام!

عشان كدا لو الفيسبوك دا عمل حاجه وحشه بجد، انه عمل شات، ماهى الناس ناقصه :O زمان كنت تفتح الايميل تلاقى واحد بيقرفك و خلاص، ممكن تعمله بلوك و تستريح

دلوقتى الفيسبوك لأ، لو واحد قرفك تقفله كله، انا مش بقول عيوب الفيسبوك لأنه كله حاجه زى الخرا عشان احنا بنستخدمه بطريقه زى الخرا

و بما ان الناس بتزهق و تقرف من كتر القراءه و انا كمان زهقت من كتر الكتابه، فاهنجز و اكتب الحل و نخلص

ازاى تتخلص من الشات الكتير:

1-لو انت من الناس اللى بتكره الرغى و القرف زيى، لو حد قلك افتح و النبى انا عايز اكلمك فى حاجه مهمه قله كلمنى عالموبيل، هيقلك اكلمك عالارضى قله لأ اصل امى شغلاه، و بكدا هو هيختصر فى المكالمه و مش هتزيد عن دقيقتين و مش هيكررها تانى و اى حد رغاى اعمل معاه الاسلوب دا، قله النت فاصل ابقى كلمنى عالموبايل، النور قاطع كلمنى عالموبيل

2-لو انت من الناس الرغاين اللى انا بكرهم بردك و بيحبوا الرغى اللى ملوش لازمه، يبقا اكيد مش هتحتاج الحلول دى، انت تروح بيتكوا عشان مفشخكش :@ و تبطل رغى يابن الرغايه :@

3-لو انت من النوع اللى فى النص، لا بتحب الرغى الكتير ولا بتحب الهدوء يبقا تفتح الايميل بس، و تسجل الناس المهمين اللى انت بتكلمهم، و ريح نفسك من الباقى

و بكدا اكون خلصت اول بوست! (مش عايز قلش على كلمة بوست :@)

يلا سلام عليكم! :D